Цэнтр валанцёрскай дзейнасці Гродзенскага дзяржаўнага ўніверсітэта імя Янкі Купалы аб'яўляе набор добраахвотнікаў для дапамогі ў правядзенні аднаго з самых яркіх і доўгачаканых мерапрыемстваў – Міжнароднага грамадзянска-патрыятычнага марафону «Час выбраў нас». Мерапрыемства будзе праходзіць у ГрДУ імя Янкі Купалы з 4 па 7 мая.
Марафон аб'яднае ўдзельнікаў не толькі з Беларусі, але і з іншых краін, стаўшы пляцоўкай для дыялогу аб гісторыі і каштоўнасцях.
Каб мерапрыемства прайшло на высокім узроўні, арганізатарам патрэбна падтрымка самых актыўных і адказных студэнтаў.
Усім жадаючым унесці свой уклад у правядзенне марафону неабходна да 29 сакавіка прайсці рэгістрацыю па спасылцы.
Па пытаннях звяртацца ў Цэнтр валанцёрскай дзейнасці Купалаўскага ўніверсітэта па тэлефоне: 73-19-86.
Гродзенскі дзяржаўны ўніверсітэт імя Янкі Купалы