16 мая на базе фізіка-тэхнічнага факультэта Гродзенскага дзяржаўнага ўніверсітэта імя Янкі Купалы адбудзецца XIV навукова-практычная канферэнцыя школьнікаў «Фізіка вакол нас». Да ўдзелу запрашаюцца навучэнцы школ, зацікаўленыя фізікай, праграмаваннем і робататэхнікай.
У рамках канферэнцыі будзе працаваць чатыры секцыі: «Фізіка ў прыродзе і ў тэхніцы», «Камп'ютэрнае і тэхнічнае мадэляванне», «Электроніка і робататэхніка» і «Энергетыка і рацыянальнае прыродакарыстанне». У рамках кожнай секцыі таксама пройдзе конкурс на найлепшы даклад.
Для ўдзелу ў канферэнцыі неабходна да 13 красавіка прайсці рэгістрацыю па спасылцы. Да рэгістрацыйнай формы таксама неабходна будзе прымацаваць матэрыял даклада, аформлены ў адпаведнасці з патрабаваннямі. Навуковая праца можа быць прадстаўлена на рускай ці беларускай мове. Канферэнцыя пройдзе ў афлайн-рэжыме па адрасе: вул. Паповіча, 50.
Па пытаннях звяртацца па тэлефоне: +375 (152) 556770 Валько Наталля Георгіеўна або на электронную пошту: umk.ftf@grsu.by.
Падрабязную інфармацыю пра канферэнцыю і правілы афармлення дакладаў можна знайсці ў ІНФАРМАЦЫЙНЫМ ЛІСТЫ.
Гродзенскі дзяржаўны ўніверсітэт імя Янкі Купалы