4 лютага адбылася анлайн-сустрэча паміж дэлегацыямі Гродзенскага дзяржаўнага ўніверсітэта імя Янкі Купалы і Сычуаньскага прафесійна-тэхнічнага каледжа. Ключавой тэмай перагавораў стала абмеркаванне асноўных вектараў супрацоўніцтва навучальных устаноў.
З боку Сычуаньскага прафесійна-тэхнічнага каледжа ў перагаворах удзельнічалі дырэктар Цэнтра міжнароднага абмену і супрацоўніцтва Чжай Лянь і член беларускай праектнай групы Цэнтра міжнароднага абмену і супрацоўніцтва Юй Юаньяа.
Дэлегацыю Купалаўскага ўніверсітэта прадставілі прарэктар па вучэбнай рабоце Лявонцій Паўлаў, дэкан філалагічнага факультэта Святлана Ганчар, дэкан інжынернага факультэта Дзмітрый Ліннік, намеснік дэкана па вучэбнай рабоце факультэта біялогіі і экалогіі Вольга Кандрацюк, начальнік Цэнтра інтэрнацыяналізацыі адукацыі Вольга Белакоз, начальнік аддзела міжнароднага супрацоўніцтва Алеся Бялко і старшы выкладчык кафедры перакладу і міжкультурнай камунікацыі, перакладчык Ванг Таа.
Пасля ўзаемных прывітанняў прайшло абмеркаванне пытанняў супрацоўніцтва. Лявонцій Юр'евіч прапанаваў дэталёва абмеркаваць праграму адукацыйнага візіту навучэнцаў Сычуаньскага прафесійна-тэхнічнага каледжа ў ГрДУ імя Янкі Купалы ў сакавіку 2026 года. Кітайскія партнёры вынеслі на абмеркаванне пытанне падрыхтоўкі да адкрыцця Цэнтра мовы і культуры на базе Сычуаньскага прафесійна-тэхнічнага каледжа. Бакі ўзгаднілі афармленне культурна-адукацыйнага асяроддзя выставачнай залы Цэнтра.
Таксама ў час перагавораў бакі абмеркавалі графікі ўзаемных візітаў і праграмы студэнцкага абмену і адукацыйных паездак на 2026 год.
У фінале сустрэчы Лявонцій Паўлаў падзякаваў партнёрам за сустрэчу і выказаў надзею на далейшае плённае супрацоўніцтва.
Правядзенне гэтай сустрэчы стала чарговым крокам ва ўмацаванні супрацоўніцтва паміж Гродзенскім дзяржаўным універсітэтам імя Янкі Купалы і Сычуаньскім прафесійна-тэхнічным каледжам.
Гродзенскі дзяржаўны ўніверсітэт імя Янкі Купалы