Традыцыйна 31 снежня, напярэдадні Новага года, рэктар Ірына Кітурка наведала ўсе інтэрнаты Купалаўскага ўніверсітэта, каб павіншаваць студэнтаў з надыходзячым святам.З Ірынай Фёдараўнай самыя галоўныя навагоднія госці – Дзед Мароз і Снягурка. Разам яны павіншавалі купалаўцаў, падарылі казачную атмасферу і ўручылі салодкія падарункі. Добрая традыцыя дазваляе стварыць хатнюю выгоду для тых, хто сустракае свята ўдалечыні ад дома.
