12 снежня ў Гродзенскім дзяржаўным універсітэце імя Янкі Купалы адбудзецца яскравая і маштабная падзея, якая аб'яднае студэнтаў і выпускнікоў Беларусі і краін замежжа, – творчая гасцёўня «Беларусь – скрыжаванне нацыянальных культур».У праграме чакаецца шмат захапляльных мерапрыемстваў. Удзельнікі змогуць расказаць пра асаблівасці сваёй роднай краіны на інтэрактыўным круглым стале, прадэманстраваць веды ў геаграфіі, культуры і традыцыях Беларусі і іншых краін у гульні «Брэйн-рынг» і расказаць пра свой родны край праз паэзію на конкурсе чытальнікаў вершаў. У кожным мерапрыемстве можна будзе прыняць удзел як вочна, так і дыстанцыйна.
Таксама ў рамках творчай гасцёўні студэнты факультэта мастацтваў і дызайну прадэманструюць свае творчыя работы на выставе «Архітэктурныя помнікі Беларусі». Работы будуць прадстаўлены ў корпусе на вул. Ажэшкі, 22, у фае 2 паверха ў 9:00.
Канцэрт «Шматгалоссе нацыянальных культур» з яскравымі нумарамі беларускіх і замежных студэнтаў стане кульмінацыяй падзеі. Ён пройдзе ў актавай зале па адрасе: вул. Леніна, 32 у 15:00.
Таксама ў рамках творчай гасцёўні будуць аб'яўлены вынікі конкурсу відэаролікаў і конкурсу эсэ.
Запрашаем усіх жадаючых прыняць удзел і бліжэй пазнаёміцца з культурамі розных краін!
З праграмай мерапрыемства можна пазнаёміцца вышэй.