Прыняць удзел у конкурсе і стварыць навагоднюю ёлку ці аздабленне з другаснай сыравіны запрашаюцца студэнты, магістранты, аспіранты і супрацоўнікі ГрДУ імя Янкі Купалы. Прыём заявак на ўдзел працягнецца да 19 снежня.
Асноўная мэта конкурсу - сфарміраваць у студэнцкай моладзі і работнікаў універсітэта экалагічную культуру і развіць эстэтычны смак. Таксама конкурс ставіць сваёй задачай павысіць зацікаўленасць студэнтаў і работнікаў Купалаўскага ўніверсітэта ў пытаннях экалагічнай адукацыі і аховы навакольнага асяроддзя.
Для стварэння конкурснай працы можна выкарыстоўваць любыя матэрыялы, якія паўторна выкарыстоўваюцца – поліэтыленавыя пакеты, пластыкавыя бутэлькі, макулатуру, прадметы ўжытку, адзенне, мэблю.
Пераможцаў будуць выбіраць у шасці намінацыях: "Лепшая ЭкаЁлка", "Лепшая ёлачная цацка", "Сімвал 2026 года", "Іміджавая ёлка ўніверсітэта", "ТэхнаЁлка" і "Навагодні сувенір".
Каб стаць удзельнікам неабходна падаць заяўку ва ўпраўленне па ідэалагічнай і выхаваўчай рабоце (вул. Ажэшкі, 22-308) або адправіць яе на адрас электроннай пошты csi@grsu.by.
Запрашаем купалаўцаў прадэманстраваць сваю фантазію і падтрымаць экалогію!
Больш падрабязную інфармацыю аб конкурсе можна знайсці ў Палажэнні.
Гродзенскі дзяржаўны ўніверсітэт імя Янкі Купалы