Галіна Іванаўна Зверава, прафесар, дэкан факультэта культуралогіі, загадчык кафедры гісторыі і тэорыі культуры Расійскага дзяржаўнага гуманітарнага ўніверсітэта правяла заняткі са студэнтамі 3 курса спецыяльнасці «Журналістыка» ў рамках дысцыпліны «СМІ ў палітычным працэсе».
Падчас заняткаў Галіна Іванаўна падзялілася актуальнымі метадамі даследавання дыскурсу СМІ, расказала пра сеткавы аналіз, які студэнты могуць выкарыстоўваць пры рэалізацыі ўласных медыйных праектаў. На занятках былі закрануты пытанні аб актуальных тэндэнцыях развіцця сучаснай медыяпрасторы і ролі асобы журналіста ў гэтым працэсе.
Падчас сустрэчы з прафесарска-выкладчыцкім складам факультэта гісторыі, камунікацыі і турызму Галіна Іванаўна падзялілася сваім бачаннем актуальных метадаў работы са студэнцкай моладдзю ва ўмовах паўсюднага выкарыстання нейрасеткавых тэхналогій, звярнуўшы ўвагу на выключную ролю педагога ў арганізацыі самастойнай работы студэнтаў.
У час знаходжання ў Купалаўскім універсітэце Галіна Зверава выступіла таксама з пленарным дакладам на IV Міжнароднай навуковай канферэнцыі "Беларусь у кантэксце сусветнай гісторыі: асоба, грамадства, дзяржава", у якой прынялі ўдзел вучоныя, выкладчыкі, спецыялісты, аспіранты з Расіі, Беларусі, Арменіі.
Гродзенскі дзяржаўны ўніверсітэт імя Янкі Купалы