22 лістапада на кафедры журналістыкі Купалаўскага ўніверсітэта пройдзе вочны фінальны этап алімпіяды, пасля чаго будуць падведзены вынікі і адбудзецца ўрачыстае ўзнагароджанне пераможцаў.
Алімпіяда «Медыя і я» арганізавана з мэтай выяўлення і развіцця ў абітурыентаў творчых здольнасцей і цікавасці да журналістыкі і новых медыяў, папулярызацыі ведаў у медыйнай галіне і стварэння неабходных умоў для падтрымкі адораных навучэнцаў.
На фінальным этапе ўдзельнікам трэба будзе напісаць сачыненне і падрыхтаваць вусны выступ на зададзеную тэму. Па выніках вочнага этапа журы вызначыць пераможцаў і прызёраў алімпіяды і ўзнагародзіць іх дыпломамі І, ІІ, ІІІ ступені. Удзельнікам, якія вызначыліся, будуць уручаны дыпломы ў намінацыях «Лепшы завочны этап», «Лепшае эсэ» і «Лепшае вуснае выступленне».
Гродзенскі дзяржаўны ўніверсітэт імя Янкі Купалы