Напярэдадні Дня настаўніка ў Гродзенскім дзяржаўным універсітэце імя Янкі Купалы пануе асаблівая, цёплая атмасфера, поўная ўсмешак і радасці. 3 кастрычніка ў родныя сцены вярнуліся тыя, хто прысвяціў дзесяцігоддзі свайго жыцця служэнню навуцы і выхаванню студэнтаў - ветэраны працы нашага ўніверсітэта.Душэўнымі словамі адкрыла сустрэчу рэктар Гродзенскага дзяржаўнага ўніверсітэта імя Янкі Купалы Ірына Кітурка, падзякаваўшы ўсім прысутным.
«Я шчыра радая бачыць вас сёння ва ўніверсітэце. Я дзякую вам не толькі за тую працу, якую вы рабілі падчас сваёй актыўнай творчай і педагагічнай дзейнасці, я дзякую вам за тое, што вы сёння і заўсёды з універсітэтам, за тое, што вы сочыце за дасягненнямі ўніверсітэта і за тое, што вы радуецеся таму, што мы не падвялі вас».
Ва ўтульнай, хатняй абстаноўцы прысутныя надаліся ўспамінам: акунуліся ў важныя моманты гісторыі ВНУ, дзяліліся гісторыямі са сваіх працоўных будняў і з гонарам успаміналі агульныя дасягненні.
Гэтая сустрэча стала выдатным напамінам аб тым, што Купалаўскі ўніверсітэт – не проста месца, у сценах якога працуюць і вучацца, а перш за ўсё вялікая і дружная сям'я, якая моцна звязвае пакаленні.
