Мерапрыемства прайшло 28 жніўня, яго ўдзельнікамі сталі абраныя дэлегаты і запрошаныя госці.У ліку ўдзельнікаў канферэнцыі - прарэктар па ідэалагічнай і выхаваўчай рабоце ГрДУ імя Янкі Купалы Васіль Сянько і другі сакратар Гродзенскага гарадскога камітэта БРСМ Дар'я Капітула.
На канферэнцыі прадставілі справаздачу аб дзейнасці першаснай арганізацыі БРСМ Купалаўскага ўніверсітэта за апошнія 4 гады, а таксама абмеркавалі перспектывы далейшага развіцця на 2026 – 2030 гады. У рамках мерапрыемства ўдзельнікі выступілі са зваротам дэлегатаў VIII справаздачна-выбарнай канферэнцыі пярвічнай арганізацыі з правамі раённага камітэта ГА «БРСМ» ГрДУ імя Янкі Купалы да студэнтаў універсітэта.
Падчас канферэнцыі былі абраныя працоўны склад камітэта і сакратар пярвічнай арганізацыі БРСМ ГрДУ імя Янкі Купалы. У склад камітэта ўвайшлі 25 прадстаўнікоў студэнцкай і працуючай моладзі, сакратаром пераабраны студэнт факультэта эканомікі і кіравання Ягор Бухгароўскі.
Таксама былі абраныя дэлегаты на IX Гродзенскую гарадскую справаздачна-выбарную канферэнцыю ГА «БРСМ».
