18 чэрвеня ў Купалаўскім універсітэце прайшло пасяджэнне камісіі па накіраванні на працу аспірантаў трэцяга года дзённай бюджэтнай формы атрымання адукацыі Гродзенскага дзяржаўнага ўніверсітэта імя Янкі Купалы.Камісію па накіраванні на працу аспірантаў узначальвае рэктар універсітэта Ірына Кітурка. У паседжанні камісіі бяруць удзел аспіранты і іх навуковыя кіраўнікі. У працэсе правядзення пасяджэння рэктар універсітэта акцэнтавала ўвагу выпускнікоў на гатоўнасці рукапісаў дысертацый, а таксама закранула праблемы апублікаванасці вынікаў даследаванняў.
Усяго рашэннем камісіі было накіравана на працу 12 выпускнікоў аспірантуры, з іх у структурныя падраздзяленні ўніверсітэта – 10 чалавек, 1 чалавек – у Гродзенскі дзяржаўны аграрны ўніверсітэт, 1 чалавек – у гімназію № 1 ім Я.Ф. Карскага г. Гродна.
