Супрацоўніцтва Беларусі і Кітая ў сферы адукацыі выйшла на новы ўзровень: Гродзенскі дзяржаўны ўніверсітэт імя Янкі Купалы і Сіньцзянскі педагагічны ўніверсітэт адкрылі Сумесны адукацыйны цэнтр. Гэта стала галоўным вынікам перагавораў, якія прайшлі ў рамках візіту дэлегацыі Купалаўскага ўніверсітэта ў Кітайскую Народную Рэспубліку.Перагаворы паміж прадстаўнікамі двух універсітэтаў, якія адбыліся 14 мая, сталі ключавым этапам на шляху да ўмацавання партнёрскіх адносін. Бакі абмеркавалі перспектыўныя кірункі супрацоўніцтва і магчымасці рэалізацыі сумесных праграм. Таксама для беларускай дэлегацыі была праведзена аглядная экскурсія па Сіньцзянскім педагагічным універсітэце, падчас якой удалося пазнаёміцца з інфраструктурай і вучэбнымі магчымасцямі ВНУ. Важным момантам візіту стала сустрэча са студэнтамі, якія вывучаюць рускую мову.
Асаблівая ўвага была ўдзелена ўрачыстай цырымоніі адкрыцця Сумеснага адукацыйнага цэнтра Гродзенскага дзяржаўнага ўніверсітэта імя Янкі Купалы і Сіньцзянскага педагагічнага ўніверсітэта. У мерапрыемстве прынялі ўдзел рэктар СПУ Айнівар Акім, прарэктары, супрацоўнікі і студэнты ўніверсітэта, а таксама рэктар ГрДУ імя Янкі Купалы Ірына Кітурка і прарэктар па вучэбнай працы Лявонцій Паўлаў.
Візіт дэлегацыі Купалаўскага ўніверсітэта ў Кітайскую Народную Рэспубліку адкрывае новыя гарызонты для супрацоўніцтва і абмену вопытам паміж універсітэтамі, умацоўваючы сяброўскія сувязі паміж Беларуссю і Кітаем.
