Загадчык кафедры крымінальнага права, крымінальнага працэсу і крыміналістыкі ГрДУ імя Янкі Купалы Рыма Ключко распрацавала навукова-метадычныя рэкамендацыі "Процідзеянне карупцыі ў Саюзнай дзяржаве Расійскай Федэрацыі і Рэспублікі Беларусь".Гэта работа ўключае навуковы аналіз і параўнальнае вывучэнне арганізацыйна-прававых механізмаў барацьбы з карупцыяй у абедзвюх краінах. Рэкамендацыі прызначаны для спецыялістаў, якія займаюцца прафілактычнай антыкарупцыйнай дзейнасцю, а таксама для выкладчыкаў, аспірантаў, студэнтаў і практычных работнікаў, якія цікавяцца дадзенай праблемай.
Ключавым аспектам распрацоўкі з'яўляецца стварэнне карты карупцыйных рызык у суб'ектах гаспадарання ў адпаведнасці з відамі дзейнасці на аснове распрацаваных алгарытмаў іх прафілактыкі.
Асноўныя перавагі гэтай навуковай распрацоўкі заключаюцца ў сістэматызацыі і параўнальным аналізе заканадаўства Расіі і Беларусі, што дасць магчымасць суб'ектам гаспадарання абедзвюх краін больш эфектыўна ажыццяўляць знешнеэканамічную дзейнасць.
Партнёрам праекта выступае Белгарадскі дзяржаўны тэхналагічны ўніверсітэт імя У.Р. Шухава.