Удзельнікамі Алімпіяды стануць восем каманд з 7 універсітэтаў Беларусі і Расіі. З боку Беларусі выступяць каманды Гродзенскага дзяржаўнага ўніверсітэта імя Янкі Купалы, Беларускага дзяржаўнага ўніверсітэта, Гродзенскага медыцынскага ўніверсітэта. Сярод расійскіх каманд-удзельніц прадстаўнікі Сібірскага Федэральнага ўніверсітэта, Паўднёва-Заходняга Дзяржаўнага Універсітэта, Санкт-Пецярбургскага горнага ўніверсітэта імператрыцы Кацярыны II, Пецярбургскай дзяржаўнай кансерваторыі імя Н.А. Рымскага-Корсакава».

Мэтай правядзення Алімпіяды з'яўляецца разгляд творчасці філосафаў-юбіляраў 2024 года (Н. А. Бярдзяева - 150 гадоў з дня нараджэння, А. С. Хамякова - 220 гадоў з дня нараджэння, П. Я. Чаадаева - 230 гадоў з дня нараджэння, Еўфрасінні Полацкай - 920 гадоў з дня нараджэння), папулярызацыя ідэі адзінства народаў Беларусі і Расіі ў маладзёжным асяроддзі, практычнае выкарыстанне лепшых дасягненняў беларускай і рускай філасофскай думкі для вырашэння актуальных сацыяльных праблем у сучасных сацыякультурных умовах.

Алімпіяда пройдзе ў змешаным (вочным і анлайн) фармаце. Пляцоўка вочнай сустрэчы ўдзельнікаў Алімпіяды арганізавана ў Купалаўскім універсітэце.

Арганізатарамі Алімпіяды выступілі педагагічны факультэт і кафедра філасофіі ГрДУ імя Янкі Купалы, а таксама Россупрацоўніцтва (г. Мінск, Беларусь), РГА "Белая Русь".