Паліна Хаменка, студэнтка 2 курса юрыдычнага факультэта ГрДУ імя Янкі Купалы, удзельніца тэатра моды "Уні-Арт" прадставіла родную Alma mater на V Адкрытым конкурсе нацыянальных культур, творчасці і прыгажосці "Грацыя International" у Віцебску. Дзяўчына стала пераможцай у намінацыі "Міс абаянне" і ўладальніцай спецыяльнага прыза ад Таццяны Яфрэмавай - дызайнера, заснавальніка брэнда T. Efremova.

Бліскучы конкурс "Грацыя International" быў падзелены на два этапы. Першы – нацыянальная страва, другі – творчы і конкурс прамоўніцкага майстэрства, дэфіле. На працягу тыдня дзяўчаты ўзмоцнена рыхтаваліся, каб годна прэзентаваць сваю краіну і ВНУ.

За час удзелу ў конкурсе прадстаўніцы 8 краін змаглі паглядзець Віцебск з кола агляду, ускласці кветкі да манумента на плошчы Перамогі, наведаць музей Віцебскага народнага мастацкага вучылішча і музей-сядзібу Іллі Рэпіна "Здраўнёва".

Конкурс праводзіцца пры падтрымцы Міністэрства адукацыі Рэспублікі Беларусь і накіраваны на пазіцыянаванне Рэспублікі Беларусь, як тэрыторыі дружбы і добрасуседства, умацавання ў грамадстве ідэі міру і стварэння, а таксама на выяўленне і падтрымку таленавітай моладзі сярод студэнтаў, папулярызацыю нацыянальных культур і творчасці, умацаванне дружбы паміж ВНУ.