Сусветны фестываль моладзі – 2024 прайшоў у Расійскай Федэрацыі на федэральнай тэрыторыі «Сірыус» у перыяд з 29 лютага па 7 сакавіка і аб'яднаў больш за 20 000 чалавек са 190 краін свету. Беларуская дэлегацыя была прадстаўлена 630 удзельнікамі. У іх лік увайшлі і купалаўцы.Удзельнікі фестывалю падзяліліся не толькі яркімі ўражаннямі, але і каштоўным досведам, які яны набылі ў межах мерапрыемства. Падобныя сустрэчы закліканы натхніць іншых хлопчыкаў і дзяўчынак на новыя здзяйсненні і старанную працу, бо стаць удзельнікам фестывалю мог далёка не кожны. Пры фармаванні дэлегацыі ўлічваўся галоўны прынцып: беларускую моладзь павінны былі прадставіць маладыя людзі, якія з'яўляюцца лідэрамі ў сваёй сферы, якія дасягнулі вышынь на прафесійнай ніве і зарэкамендавалі сябе як асобы, якія могуць павесці за сабой іншых.
Гутарка атрымалася вельмі ажыўленай, бо купалаўцы прывезлі з сабой мноства цікавых гісторый. Удзельнікі сустрэчы абмеркавалі вынікі фестывалю, пагаварылі аб тым, што даюць моладзі такія мерапрыемствы і адказалі на пытанні хлопчыкаў і дзяўчынак.
