У Купалаўскім універсітэце ўжо стала добрай традыцыяй арганізоўваць выязныя Дні абітурыента. На гэты раз купалаўцы адправіліся ў Смаргонь, каб расказаць пра вучобу і жыццё ва ўніверсітэце. На гэты раз прафарыентацыйнае мерапрыемства аб'яднала лакацыі пад агульнай тэмай«Кірмаш мэтавай падрыхтоўкі».Адукацыйныя магчымасці прэзентавалі ўсе факультэты Гродзенскага дзяржаўнага ўніверсітэта імя Янкі Купалы. Кожны падрыхтаваў эксклюзіўную праграму для гасцей Дня абітурыента, які разгарнуўся ў Смаргонскім раённым цэнтры культуры. Да ўсіх удзельнікаў з прывітальным словам звярнуўся першы прарэктар ГрДУ імя Янкі Купалы Аляксандр Карэўскі.
Для дыялогу на кірмашы мэтавай падрыхтоўкі сабраліся будучыя выпускнікі ўстаноў агульнай сярэдняй адукацыі, іх бацькі і педагогі Смаргонскага, Іўеўскага, Ашмянскага і Астравецкага раёнаў, а таксама прадстаўнікі арганізацый - заказчыкаў кадраў, тыя, хто ў будучым гатовы прадаставіць першае працоўнае месца.
Акрамя таго, у гасцей кірмашу была магчымасць атрымаць кансультацыю па парадку і асаблівасцях паступлення ў 2024 годзе ў намесніка адказнага сакратара прыёмнай камісіі Аляксандра Кулікова. У ходзе работы інтэрактыўных пляцовак Аляксандр Міхайлавіч адказаў на пытанні.
Гродзенскі дзяржаўны ўніверсітэт імя Янкі Купалы – вядучы ўніверсітэт у рэгіёне. Купалаўская сям'я сёння налічвае больш за 10 тысяч студэнтаў. 13 факультэтаў і 4 каледжы рыхтуюць спецыялістаў для ўсіх галін эканомікі і сацыяльнай сферы як рэгіёна, так і краіны ў цэлым.
Шырокія адукацыйныя магчымасці, навуковая і інавацыйная дзейнасць, сучасная матэрыяльна-тэхнічная база, яскравае і насычанае студэнцкае жыццё – усё гэта Купалаўскі ўніверсітэт!
