Напярэдадні Дня абаронцаў Айчыны і Узброеных Сіл Рэспублікі Беларусь першасная арганізацыя ГрДУ імя Янкі Купалы грамадскага аб'яднання "Беларускі саюз жанчын" правяла акцыю "Матуліны пірагі" ў вайсковай часці 2141 Гродзенскай пагранічнай групы.

Студэнты факультэта эканомікі і кіравання, навучэнцы Гуманітарнага каледжа і выкладчыкі члены першаснай арганізацыі ГА “БСЖ” Купалаўскага ўніверсітэта спяклі смачныя пірагі і распрацавалі святочны дызайн упакоўкі дэсертаў. Салодкія сюрпрызы купалаўцы паднеслі вайскоўцам, каб перадаць часцінку матчынага і дзявочага кахання.

Творчыя нумары і паказ беларускай калекцыі адзення і аксесуараў ад тэатра мод Гуманітарнага каледжа Купалаўскага ўніверсітэта ўзнялі настрой служачым воінскай часці і падарылі святочную атмасферу. Завяршылася мерапрыемства чаяваннем і інтэрактыўнай віктарынай.