Па добрай традыцыі выхаванцы разам са сваімі старэйшымі таварышамі пішуць лісты Дзеду Марозу з навагоднімі пажаданнямі ў пачатку снежня. Затым гэтыя лісты атрымліваюць купалаўцы і здзяйсняюць мары рабят. У гэтым годзе студэнты і супрацоўнікі ўніверсітэта выканалі 160 жаданняў! Таксама рэктар Гродзенскага дзяржаўнага ўніверсітэта імя Янкі Купалы Ірына Кітурка ўручыла інтэрнату грашовы сертыфікат.

Дарэчы, ужо на працягу многіх гадоў кіраўніцтва, супрацоўнікі і студэнты ГрДУ імя Янкі Купалы становяцца ў навагоднія святы чараўнікамі, якія выконваюць жаданні выхаванцаў Васілішкаўскага дома-інтэрната.

Таксама прадстаўнікі ўніверсітэта ўваходзяць у Апякунскі савет пры Васілішкаўскім доме-інтэрнаце для дзяцей-інвалідаў з асаблівасцямі псіхафізічнага развіцця. Штогод студэнты-валанцёры і выкладчыкі наведваюць дом-інтэрнат, праводзяць там святочныя мерапрыемствы, арганізуюць у горадзе і ўніверсітэце акцыі, накіраваныя на дапамогу выхаванцам.