Рашэннем Нацыянальнай акадэміі навук Беларусі аб вызначэнні лаўрэатаў Рэспубліканскага конкурсу творчых работ, прысвечанага Году міру і стварэння, быў адзначаны калектыў аўтараў Купалаўскага ўніверсітэта.

Па выніках конкурснага адбору праект загадчыка кафедры батанікі Алега Созінава і лабаранта кафедры батанікі Ганны Садкоўскай "Экалагічная дыферэнцыяцыя рознаўзроставых натуральных і штучных супольнасцяў сасонніку імшыстага (заказнік "Гродзенская пушча", Беларусь)" быў узнагароджаны Дыпломам лаўрэата ў намінацыі "Біялагічная разнастайнасць і ўстойлівасць экасістэм".

Варта адзначыць праект “Пальчатка для рэабілітацыі пасля інсульту “SMART GLOVE”” Мікіты Песняка, студэнта 3 курса факультэта матэматыкі і інфарматыкі Купалаўскага ўніверсітэта. Малады чалавек стаў фіналістам Другой катэгорыі ў намінацыі "Фізіка, матэматыка і інфарматыка - аснова развіцця тэхнікі і тэхналогій".

Віншуем купалаўцаў і жадаем далейшых перамог!