На працягу двух дзён 4 наймацнейшыя каманды, прадстаўнікі жаночага валейбола, змагаліся за званне лепшага. Каманды з розных гарадоў сабраліся ў Палацы спорту «Уручча», каб разыграць Кубак Рэспублікі Беларусь сярод жанчын па валейболе.

Удзельнікі турніру праявілі высокі ўзровень майстэрства і спартыўнай падрыхтоўкі, што зрабіла спаборніцтвы напружанымі і непрадказальнымі. Кожная каманда прадэманстравала свае моцныя бакі і па-сапраўднаму прымусіла балельшчыкаў быць у напружанні да апошняга моманту.

Па выніках турніру золата выйграла каманда «Мінчанка», срэбра ў «Прыбужжа», заслужаная бронза - у скарбонку «Камунальнік-ГрДУ». Лепшым гульцом каманды «Камунальнік-ГрДУ» прызнана Анастасія Міклашэвіч.