На майстар-класах сакрэтамі прафмайстэрства з хлопцамі дзяліліся фотакарэспандэнт Цэнтра па сувязях з грамадскасцю ГрДУ імя Янкі Купалы Вераніка Казлоўская, начальнік студэнцкага медыяцэнтра Анастасія Паўлава, загадчык кафедры журналістыкі Іна мінчук, Студэнткі спецыйнасці «Журналістыка» Ганна Карпінчык і Ксенія Салей, удзельнікі праектнай каманды «паток».

У другім сезоне «Акадэмія блогера» аб'яднала прадстаўнікоў факультэтаў гісторыі, камунікацыі і турызму, фізічнай культуры, псіхалогіі, мастацтваў і дызайну, біялогіі і экалогіі, матэматыкі і інфарматыкі, а таксама філалагічнага і юрыдычнага факультэтаў. Адукацыйную праграму другога сезона ў поўным аб'ёме выканалі 11 студэнтаў.

Сертыфікаты аб паспяховым навучанні ў «Акадэміі блогера» выпускнікам уручыў прарэктар па выхаваўчай працы Васіль Сянько. Ён пажадаў хлопцам не спыняцца на дасягнутым і не баяцца пакараць новыя вышыні.

- Быць блогерам-значыць не толькі валодаць лічбавымі тэхналогіямі дасканала, але і быць у курсе асноўных падзей, якія адбываюцца ў грамадстве, умець адрозніваць праўду ад фэйкавай інфармацыі і, самае галоўнае, кожным сваім словам і ўчынкам імкнуцца рабіць свет вакол сябе лепш, быць сапраўднымі патрыётамі Купалаўскага ўніверсітэта і нашай роднай Беларусі, – падкрэсліў Васіль Васільевіч, звяртаючыся да ўдзельнікаў «Акадэміі блогера».

«Выпускным іспытам» для блогераў стала падрыхтоўка ўласнага прамога эфіру ў рамках YouTube-праекта Ппаток», пастаянныя ўдзельнікі якога – студэнты спецыяльнасцяў «Журналістыка» і «Інфармацыя і камунікацыя», якія працуюць у студэнцкім медыяцэнтры пад кіраўніцтвам загадчыка кафедры журналістыкі Іны мінчук, – выступілі ў ролі настаўнікаў і экспертаў.

Сумесная праца над трансляцыяй завяршылася пераднавагодняй сяброўскай міні-вечарынкай, абменам добрымі пажаданнямі і новымі творчымі ідэямі.