Тэма семінара-трэнінгу была выбрана не выпадкова. Адкладанне спраў на потым, няўменне сумяшчаць працу і адпачынак, складанасці з планаваннем дня, запамінаннем інфармацыі, расстаноўкай прыярытэтаў хвалююць у нашы дні шматлікіх. У сваім выступленні Антаніна Семак звярнула ўвагу на важнасць дакладнай прапрацоўкі і адаптацыі рытмаў жыцця, прапанавала эфектыўныя тэхнікі самаарганізацыі і самакантролю.

– З пракрасцінацыяй варта ўважліва працаваць, калі яна дастаўляе адчувальны дыскамфорт, – рэзюмавала Антаніна Семак. – Хутчэй за ўсё, асноўная праблема ў адрозніванні ўнутраных патрэбаў. Таму не варта прыбіраць пракрасцінацыю са свайго жыцця - трэба навучыцца яе слухаць і разумець.

Пры падвядзенні вынікаў другога сезона загадчык лабараторыі адукацыйных інавацый Алег Каляга падзяліўся сваімі рэфлексіўнымі назіраннямі, выказаўся наконт планаў на новы сезон. У прыватнасці, прагучалі думкі аб прыцягненні да праекта новых мадэратараў, у тым ліку са навакольнага асяроддзя, сумесным выбары актуальных тэм для абмеркавання, правядзенні прадуктыўных інтэнсіўаў, інтэрактыўных сесій, распрацоўцы камандных праектаў.

– На сёння ва ўніверсітэце існуе вельмі шмат напрацовак, моцных і яркіх адукацыйных праектаў, творчых рашэнняў, – падкрэсліў Алег Каляга, – У трэцім сезоне абавязкова з'явяцца адукацыйныя «разыначкі», якія ўпрыгожаць наш праект. Чакаць засталося нядоўга, у лютым 2024 года «Адкрытае навучанне» адновіцца.