Уладальнікі дыпломаў I, II, III ступені шматпрофільнай універсітэцкай алімпіяды маюць права на залічэнне ў Купалаўскі ўніверсітэт без уступных іспытаў пры паступленні на спецыяльнасці, якія адпавядаюць вучэбнаму прадмету профільнай алімпіяды.Папярэдні этап універсітэцкай алімпіяды Гродзенскага дзяржаўнага ўніверсітэта імя Янкі Купалы стартаваў 28 лістапада і працягнецца да 8 снежня згодна з графікам. Абітурыенты, вы яшчэ паспяваеце стаць часткай Купалаўскай сям'і без уступных экзаменаў!
Ужо заўтра, 5 снежня, адбудзецца алімпіяда па вучэбным прадмеце «Гісторыя Беларусі», 6 снежня – «Руская мова і літаратура». У чацвер, 7 снежня, абітурыентам прапануюць алімпіядныя заданні па вучэбным прадмеце» англійская мова«, а завершыць папярэдні этап «Беларуская мова і літаратура».
Падрабязная інфармацыя аб удзеле ў Алімпіядзе і доступ да алімпіядных заданняў размяшчаецца ў лічбавым кабінеце абітурыента персанальна для кожнага ўдзельніка алімпіяды. З усімі пытаннямі абітурыенты могуць звяртацца ў чат лічбавага кабінета абітурыента.
Больш падрабязна з умовамі ўдзелу можна азнаёміцца ТУТ.