Навуковая канферэнцыя прапануе ўдзельнікам магчымасць абмену актуальнымі даследаваннямі, ідэямі і вопытам работы ў галіне гістарычных і сацыяльных навук, а таксама абмеркаванне перспектыў развіцця і ўмацавання навуковага супрацоўніцтва.

− Канферэнцыя стала традыцыйнай. Упершыню мы правялі яе ў 2019 годзе. У рамках канферэнцыі будуць абмяркоўвацца тэмы, звязаныя з гісторыяй Беларусі, яе культурай, нацыянальнай ідэнтычнасцю, а таксама перспектывамі супрацоўніцтва з еўрапейскімі краінамі. Навукоўцы і даследчыкі прадставяць свае даследаванні і навуковыя працы, якія датычацца гістарычных падзей, палітычных змен, грамадскага жыцця і культурных традыцый Беларусі. Канферэнцыя з'яўляецца магутнай дапамогай для ўсталявання навуковых сувязяў паміж навукоўцамі-гісторыкамі не толькі нашай краіны, - распавёў дэкан факультэта гісторыі, камунікацыі і турызму Віктар Белазаровіч.

З прывітальным словам да ўдзельнікаў канферэнцыі звярнулася рэктар ГрДУ імя Янкі Купалы Ірына Кітурка, якая адзначыла значнасць канферэнцыі ў развіцці гістарычных навуковых даследаванняў. Яна падкрэсліла, што такія мерапрыемствы - важная пляцоўка для абмену вопытам, абмеркавання новых ідэй і стварэння партнёрскіх адносін, якія садзейнічаюць развіццю навукі і адукацыі. Рэктар выказала сваю глыбокую падзяку ўсім удзельнікам канферэнцыі за іх актыўны ўдзел і ўклад у навуку, таксама Ірына Фёдараўна пажадала ўсім плённага баўлення часу на канферэнцыі і поспехаў у іх навуковай дзейнасці.

Сімвалічна, што падчас урачыстай цырымоніі адкрыцця канферэнцыі была падпісана дамова аб супрацоўніцтве паміж ГрДУ імя Янкі Купалы і Інстытутам расійскай гісторыі РАН.

Доктар гістарычных навук, прафесар, дырэктар Інстытута расійскай гісторыі Расійскай акадэміі навук Юрый Пятроў падкрэсліў, што ўзаемадзеянне беларускіх і расійскіх гісторыкаў - аснова развіцця дзвюх саюзных дзяржаў. Больш дэталёва гэтае пытанне было раскрытае на пленарным пасяджэнні, дзе Юрый Аляксандравіч прадставіў даклад "Супрацоўніцтва расійскіх і беларускіх гісторыкаў: сучасны стан і перспектывы".

Канферэнцыя прадугледжвае пяць тэматычных секцый, дзе кожны з удзельнікаў прадэманструе вынікі сваёй навуковай дзейнасці.

III Міжнародная навуковая канферэнцыя "Беларусь у кантэксце еўрапейскай гісторыі: асоба, грамадства, дзяржава" з'яўляецца важнай падзеяй у навуковым жыцці Беларусі і міжнароднай супольнасці і садзейнічае пашырэнню навуковага дыялогу, абмену ведамі і вопытам, а таксама ўмацаванню міжнароднага навуковага супрацоўніцтва.