Для ўдзелу ў завочным этапе Марафона ад аўтараў праектаў было пададзена 249 заявак. Для фінальнай прэзентацыі лепшых практык былі запрошаны аўтары 100 праектаў, рэалізаваных у розных рэгіёнах Беларусі і якія даказалі сваю эфектыўнасць.

Дацэнт кафедры сучасных тэхналогій праграмавання Ніна Макарава прэзентавала сеткавы праект "Прыгажосць навучальнай працы", створаны ў 2015 годзе. Праект накіраваны на дасягненне мэт духоўна-маральнага і эстэтычнага выхавання навучэнскай моладзі. Праект вытрымаў шэсць запускаў з удзелам міжнародных каманд.

Прэзентацыйныя матэрыялы праектаў апублікаваны ў раздзеле "Медыятэка паспяховых практык". Па выніках Марафона-2023 будзе складзены Кампендыум паспяховых практык-2023, дзе можна знайсці характарыстыку праектаў і вынікі іх рэалізацыі, спасылкі на іх асвятленне ў СМІ.