Удзельнікамі форуму сталі больш за 400 студэнтаў, магістрантаў і аспірантаў, юрыдычных і паліталагічных спецыяльнасцей з Беларусі і Расіі.

Студэнты 4 курса юрыдычнага факультэта Юлія Шкут і Данііл Філімонаў, Варвара Міладоўская і Ганна Гаранчук, а таксама Мікіта Бурак у вочным фармаце выступілі з дакладамі на канферэнцыі.

Даклад Данііла Філімонава на тэму "Да пытання аб страхаванні прафесійнай адказнасці натарыуса" быў адзначаны дыпломам II ступені.

У рэжыме анлайн у секцыі «Юрыдычная клінічная адукацыя» з дакладам на тэму «Настаўніцтва (цьютарства) як ключавы інструмент забеспячэння пераемнасці ў працы юрыдычнай клінікі ГрДУ імя Янкі Купалы» выступіла студэнтка 5 курса юрыдычнага факультэта Вераніка Генюш.

У рамках работы 25 секцый удзельнікі разгледзелі актуальныя пытанні агульнай тэорыі і асноўных галін права, дзяржаўнага кіравання, грамадзянскага і гаспадарчага працэсаў, крыміналогіі і крыміналістыкі, судовага ладу і пракурорскага нагляду, паліталогіі, юрыдычнай клінічнай адукацыі, гісторыю дзяржаў.