Гэта маштабнае спартыўнае мерапрыемства, якое ахоплівае розныя віды спорту, ставіць перад сабой мэту аб'яднаць студэнцкую супольнасць, развіваць багатую спартовую спадчыну ўніверсітэта і садзейнічаць здароваму ладу жыцця навучэнцаў. Купалаўцы маюць магчымасць праявіць свае спартыўныя навыкі, спаборнічаць са сваімі таварышамі і даказаць перавагу ў выбранай дысцыпліне.

У рамках спартакіяды 1 і 2 лістапада прайшлі спаборніцтвы па міні-футболе сярод жаночых каманд. У гэтых спаборніцтвах прынялі ўдзел самыя лепшыя спартсменкі Купалаўскага ўніверсітэта, якія прадэманстравалі неверагодныя навыкі і энтузіязм у барацьбе за перамогу. Каманды праявілі майстэрства, сілу і тактычную падрыхтоўку, прадстаўляючы свае факультэты і канкурыруючы на прэстыжным спартыўным мерапрыемстве.

Гульні праходзілі ў захапляльнай і энергічнай атмасферы. Па выніках спаборніцтваў перамогу атрымала каманда юрыдычнага факультэта, якая спалучала ў сабе калектыўнасць, моцныя навыкі гульні і ўпартую працу. Каманда факультэта інавацыйных тэхналогій машынабудавання заняла 2-е месца, бронзавым прызёрам стаў факультэт матэматыкі і інфарматыкі.

Падчас гульняў суддзі вызначылі найлепшых. «Лепшым гульцом» стала студэнтка 4 курса факультэта інавацыйных тэхналогій машынабудавання Іна Пляўга. Студэнтка 3 курса юрыдычнага факультэта Вольга Данілковіч стала "Лепшым варатаром", "Лепшы нападаючы" - студэнтка 1 курса факультэта матэматыкі і інфарматыкі Лізавета Мацяюк, "Лепшы абаронца" - студэнтка 2 курса юрыдычнага факультэта Анжаліка Фефілацьева. Прыз сімпатый гледачоў дастаўся Ганне Карповіч, студэнтцы 1 курса педагагічнага факультэта. Міні-футбол не толькі развівае фізічную цягавітасць і тэхнічныя навыкі, але і спрыяе фармаванню каманднага духу.

Таксама ў мінулы чацвер, 2 лістапада, у спартыўнай зале ГрДУ імя Янкі Купалы прайшлі спаборніцтвы па гіравым спорце сярод студэнтаў. Удзельнікі паказалі высокі ўзровень падрыхтоўкі, тэхніку і моц. Пераможцам спаборніцтваў стала каманда ваеннага факультэта, серабро забрала каманда факультэта інавацыйных тэхналогій машынабудавання, бронза ў студэнтаў фізіка-тэхнічнага факультэта.

У асабістым заліку купалаўцы прадэманстравалі высокі ўзровень падрыхтоўкі і прафесіяналізму, за што былі ўзнагароджаны медалямі.

"Вагавая катэгорыя 65 кг" - 1-ае месца заняў студэнт факультэта матэматыкі і інфарматыкі Уладзіслаў Буракевіч, 2-ае месца заняў студэнт ваеннага факультэта Дзмітрый Плешка, 3-е месца ў студэнта фізіка-тэхнічнага факультэта Міхаіла Лобача.

"Вагавая катэгорыя 75 кг" − 1-ае месца заняў студэнт ваеннага факультэта Павел Шэры, 2-ае месца заняў студэнт ваеннага факультэта Дзмітрый Лішко, 3-е месца ў студэнта факультэта інавацыйных тэхналогій машынабудавання Уладзіслава Тупіка.

"Вагавая катэгорыя 85 кг" - 1-ае месца заняў студэнт факультэта інавацыйных тэхналогій машынабудавання Мацвей Папялушка, 2-е месца заняў студэнт ваеннага факультэта Антон Чайчыц, 3-е месца ў студэнта ваеннага факультэта Ягора Загорскага.

"Вагавая катэгорыя 90 кг" - 1-ае месца заняў студэнт ваеннага факультэта Данііл Стасько, 2-е месца заняў студэнт факультэта інавацыйных тэхналогій машынабудавання Сяргей Глаўдзель, 3-е месца ў студэнта факультэта псіхалогіі Ільі Чаховіча.

"Вагавая катэгорыя звыш 90 кг" - 1-ае месца заняў студэнт факультэта эканомікі і кіравання Міхаіл Вусік, 2-е месца заняў студэнт інжынерна-будаўнічага факультэта Ягор Андыбаеў, 3-е месца ў студэнта ваеннага факультэта Дзмітрыя Коршуна.

Запрашаем усіх студэнтаў Гродзенскага дзяржаўнага ўніверсітэта імя Янкі Купалы далучыцца да спаборніцтваў у рамках круглагадовай спартакіяды-2023/2024 і ўвасобіць свае спартыўныя амбіцыі ў жыццё! Будзьце актыўнымі, натхнёнымі і гатовымі даказаць, што вы з'яўляецеся сапраўднымі спартоўцамі!