У Купалаўскім універсітэце вялікая і дружная студэнцкая супольнасць. Студэнты актыўнічаюць у прафсаюзнай арганізацыі, у Студэнцкай радзе ўніверсітэта, грамадскіх арганізацыях, БРСМ, шмат «валанцёрак». Пра тое, што было зроблена за папярэдні год, казаў старшыня рады Іван Рамановіч, а таксама іншыя дакладчыкі.

У рамках канферэнцыі самыя актыўныя студэнты атрымалі граматы з рук рэктара Купалаўскага ўніверсітэта Ірыны Кіутрко, якая адзначыла, што дадзеныя падзякі ўручаны ад усяго ўніверсітэта, які дзякуе рабятам за праведзеную працу.

Па выніках канферэнцыі быў абраны новы склад Студэнцкай рады ўніверсітэта, а таксама яго старшыня – быў пераабраны Іван Рамановіч. Папярэдні склад студсавета віншуе хлопчыкаў і дзяўчынак і жадае прадуктыўнай работы, актыўных студэнтаў і класных ідэй!