Выкладчык кафедры тэорыі і арганізацыі фізічнай падрыхтоўкі ваеннаслужачых ваеннага факультэта Гродзенскага дзяржаўнага ўніверсітэта імя Янкі Купалы падпалкоўнік Іван Крупеніч заняў першае месца на чэмпіянаце свету па гіравым спорце.

Спаборніцтвы праходзілі ў Мінску з 22 па 24 верасня 2023 года ў лёгкаатлетычным манежы «Дынама». За ўзнагароды турніру змагаліся спартсмены з 14 краін – больш за 200 удзельнікаў. Падпалкоўнік Іван Крупеніч заваяваў залаты медаль у практыкаванні «доўгі цыкл» у вагавой катэгорыі да 70 кг.

Павіншаваў выкладчыка кафедры тэорыі і арганізацыі фізічнай падрыхтоўкі вайскоўцаў на пабудове асабістага складу начальнік ваеннага факультэта палкоўнік Аляксандр Юнец.