Учора на факультэце гісторыі, камунікацыі і турызму быў дадзены старт прафсаюзнай акцыі "Добры дзень, першакурснік". Адбылася сустрэча студэнтаў са старшынёй Гродзенскага абласнога аб'яднання прафсаюзаў Віктарам Лісковічам і старшынёй Гродзенскай абласной арганізацыі прафсаюза работнікаў адукацыі і навукі Лелай Шпак.

На сустрэчы, якая прайшла ў цёплай атмасферы, прысутнічалі студэнты-першакурснікі, актыў і адміністрацыя факультэта, а таксама старшыня прафкама студэнтаў Купалаўскага ўніверсітэта Марта Калеснік.

У ходзе сустрэчы былі абазначаны галоўныя задачы і напрамкі работы першаснай прафсаюзнай арганізацыі. Так, студэнты-першакурснікі даведаліся, што яны могуць стаць удзельнікамі ўніверсітэцкіх і гарадскіх мерапрыемстваў, з прафсаюзнай падтрымкай рэалізаваць свае цікавыя праекты і ідэі, аздаравіцца ў санаторыі і з'ездзіць у турыстычную паездку, з прыемнай скідкай наведаць культурна-масавыя і спартыўныя мерапрыемствы.

Акцэнт быў зроблены на тое, што прафсаюзны камітэт гатовы ўсяляк дапамагчы ў вырашэнні любога хвалюючага пытання студэнта.

Прыемным завяршэннем сустрэчы стала ўрачыстае ўручэнне членскіх прафсаюзных білетаў.