Лабараторыя адукацыйных інавацый прапануе выкладчыкам універсітэта прыняць удзел у серыі майстар-класаў, навучальных семінараў і трэнінгаў, накіраваных на пашырэнне вопыту прымянення сучасных адукацыйных тэхналогій, распрацоўку новых навучальных курсаў, удасканаленне існуючых адукацыйных праграм.

Навучальныя мерапрыемствы будуць праходзіць па чацвяргах два разы на месяц у навучальным корпусе па адрасе: вул.Ажэшкі, 22, аўд. 218а. пачатак заняткаў у 15.05.

З раскладам мерапрыемстваў праекта «Адкрытае навучанне» можна азнаёміцца ніжэй.

21.09.2023 адбудзецца заняткі «Распрацоўка і рэалізацыя праектаў: з вопыту работы выкладчыка юрыдычнага факультэта». Экспертам выступіць Алена Корнева, намеснік дэкана юрыдычнага факультэта па выхаваўчай рабоце.

05.10.2023 удзельнікаў праекта чакае лекцыя «Настаўнік – сэрца адукацыйнай сістэмы». Мадэратарамі стануць Марына Калацей, начальнік вучэбна-метадычнага ўпраўлення Купалаўскага ўніверсітэта, і Ігар Маслаў, дырэктар ліцэя № 1 г.Гродна.

19.10.2023 пройдзе занятак на тэму «Інавацыі ў навучанні студэнтаў спецыяльнасці «Турызм і гасціннасць». Экспертамі выступяць Святлана Чувак, старшы выкладчык кафедры турызму і культурнай спадчыны, а таксама Вольга Паўлюціна, выкладчык кафедры перакладу і міжкультурнай камунікацыі.

02.11.2023 адбудзецца лекцыя «Матывацыя студэнтаў у кантэксце прафесійнай падрыхтоўкі будучых юрыстаў». Мадэратары - Валерый Козел, старшы выкладчык кафедры крымінальнага права, крымінальнага працэсу і крыміналістыкі, і Рыгор Траццякоў, дацэнт кафедры крымінальнага права, крымінальнага працэсу і крыміналістыкі.

16.11.2023 пройдзе занятак «Павышэнне якасці навучання праз кіруемую самастойную працу студэнтаў». Экспертамі стануць Марына Калоцэй, начальнік вучэбна-метадычнага ўпраўлення, і Алег Каляга, загадчык лабараторыі адукацыйных інавацый.

30.11.2023 удзельнікаў праекта чакае лекцыя «Лічбавы вучэбна-метадычны комплекс: ад этапа распрацоўкі да моманту актыўнага выкарыстання». Мадэратар - Юлія Мазур, старшы выкладчык кафедры спартыўных дысцыплін, магістр педагагічных навук.

14.12.2023 адбудзецца лекцыя «Пракрасцінацыя ў рабоце выкладчыка». Лектарам выступіць Антаніна Семак, старшы выкладчык кафедры ўзроставай і педагагічнай псіхалогіі.

Для ўдзелу ў мерапрыемствах другога сезона праекта «Адкрытае навучанне» трэба запоўніць рэгістрацыйную форму.