Дэкан факультэта, кандыдат філалагічных навук, дацэнт Святлана Якаўлеўна Кострыца, выступаючы перад настаўніцкай аўдыторыяй, адзначыла актуальнасць выбару тэм навуковых даследаванняў і прадставіла патрабаванні да афармлення конкурсных работ.
Аб асноўных напрамках даследчай дзейнасці вучняў па беларускай філалогіі распавяла кандыдат філалагічных навук, дацэнт кафедры прыродазнаўчых і лінгвістычных дысцыплін і методык іх выкладання Ганна Уладзіміраўна Крофт, па матэматыцы - старшы выкладчык кафедры прыродазнаўчых і лінгвістычных дысцыплін і методык іх выкладання Таццяна Міхайлаўна Гімпель. Спецыфіку медыка-біялагічных даследаванняў навучэнцаў акрэсліла загадчык кафедры тэорыі і методыкі спецыяльнай адукацыі кандыдат медыцынскіх навук, дацэнт Людміла Пятроўна Вільчынская.
У рамках семінара адбыліся практыка-арыентаваныя заняткі, на якіх выкладчыкі разам з настаўнікамі школы пазнаёміліся з напрамкамі работы з адоранымі навучэнцамі пры падрыхтоўцы да розных алімпіяд.
Педагогі-філолагі пад кіраўніцтвам старшага выкладчыка кафедры прыродазнаўчых і лінгвістычных дысцыплін і методык іх выкладання Пятра Лявонавіча Навіцкага разгледзелі некаторыя аспекты разбору граматычных адзінак рускай і беларускай моў. На асаблівасцях падрыхтоўкі да алімпіяды па беларускай мове і тыповых памылках навучэнцаў акцэнтавала ўвагу дацэнт кафедры прыродазнаўчых і лінгвістычных дысцыплін і методык іх выкладання, кандыдат філалагічных навук Алена Мікалаеўна Лапкоўская. Вырашэнні складаных алімпіядных заданняў па рускай мове прадставіла загадчык кафедры прыродазнаўчых і лінгвістычных дысцыплін і методык іх выкладання, кандыдат філалагічных навук Ірына Мікалаеўна Кавінкіна. Старшы выкладчык кафедры прыродазнаўчых і лінгвістычных дысцыплін і методык іх выкладання Святлана Віктараўна Гадзаава на занятку з педагогамі пачатковых класаў распавяла пра рашэнне нестандартных задач па матэматыцы.
З усімі навінамі педагагічнага факультэта можна азнаёміцца тут.