Інтэрнацыянальны вечар з'яўляецца своеасаблівай кульмінацыяй адукацыйнага праекта. Да гэтага вечара слухачы рыхтаваліся на працягу тыдня. Вызначыць краіну для прэзентацыі дапамагла латарэя. Каштоўна тое, што ўдзельнікі Летняй школы расказалі не пра сваю краіну, а пра Радзіму адзін аднаго.

Інтэрнацыянальны вечар, акрамя прэзентацыі краін, стаў самым сапраўдным гастранамічным падарожжам для ўдзельнікаў. Ім удалося паспрабаваць розныя нацыянальныя стравы.

На апошнім тыдні навучання ў летняй школе рускай мовы ўдзельнікаў чакае насычаная праграма. Яны наведаюць майстар-клас па вырабе беларускага сувеніра і пазнаёмяцца з беларускім кінематографам.

Вывучаць рускую мову ў Гродзенскім дзяржаўным універсітэце імя Янкі Купалы замежныя госці будуць да 12 жніўня.