Летняя школа рускай мовы Купалаўскага ўніверсітэта праходзіць на базе факультэта Давузаўскай падрыхтоўкі. Летняя школа-выдатная магчымасць сумясціць вывучэнне мовы са знаёмствам з сучаснай Беларуссю і яе традыцыямі.

У гэтым годзе замежныя госці пройдуць навучанне з 31 ліпеня па 12 жніўня. Традыцыйна для тых, хто вывучае рускую мову, будуць арганізаваны майстар-класы па вырабе беларускага сувеніра і падрыхтоўцы страў беларускай кухні, дзякуючы чаму ўдзельнікі летняй школы змогуць пазнаёміцца з традыцыямі нашай краіны.

Праграма Летняй школы прызначана для тых, хто пачынае вывучаць рускую мову ці жадае удасканаліць свае моўныя веды і навыкі. Для слухачоў школы будуць праводзіцца не толькі заняткі па рускай мове, але і лекцыі па гісторыі і культуры Беларусі, будуць арганізаваны аглядныя экскурсіі па горадзе, прагулкі па маляўнічых месцах і лесапаркавых зонах.

Акрамя таго, замежных грамадзян, якія вывучаюць рускую мову, чакае знаёмства з беларускім кінематографам. Нагадаем, што ініцыятарам і арганізатарам праекта выступае кафедра сучасных тэхналогій даўніверсітэцкай падрыхтоўкі факультэта давузаўскай падрыхтоўкі.