Прафесар прачытаў лекцыі на англійскай мове для студэнтаў спецыяльнасці "Праграмнае забеспячэнне інфармацыйных тэхналогій". Увазе студэнтаў былі прадстаўлены перспектывы развіцця тэхналогій штучнага інтэлекту і машыннага навучання, тэхналогій аналізу і апрацоўкі вялікіх даных. У ходзе візіту адбыліся сустрэчы прафесара Дзіпака Паціла з прарэктарам па вучэбнай рабоце Лявонціем Паўлавым, дэканам факультэта матэматыкі і інфарматыкі Аленай Лівак, начальнікам аддзела міжнароднага супрацоўніцтва Вольгай Мінавай, начальнікам цэнтра інтэрнацыяналізацыі адукацыі Аленай Белакоз, загадчыкам кафедры сучасных тэхналогій навукова-даследчай часткі Антонам Глазевым і начальнікам Цэнтра трансферу тэхналогій Аленай Апякун.

Дасягнуты папярэднія дамоўленасці аб арганізацыі на факультэце матэматыкі і інфарматыкі летняй ІТ-школы для студэнтаў з Індыі, абазначаны перспектывы праектавання сумеснай адукацыйнай праграмы, навуковага супрацоўніцтва. Госць таксама сустрэўся з замежнымі студэнтамі факультэта матэматыкі і інфарматыкі, прадстаўнікамі зямляцтва замежных студэнтаў, наведаў навукова-тэхналагічны парк, паўдзельнічаў у студэнцкім батле па матэматыцы і праграміраванні, арганізаваным для студэнтаў 1 курса спецыяльнасці "Праграмнае забеспячэнне інфармацыйных тэхналогій".

Для замежнага госця былі арганізаваны экскурсія ў Музей гісторыі развіцця ГрДУ імя Янкі Купалы, экскурсія па гістарычных славутасцях горада Гродна, наведванне агратурыстычнага комплексу "Гарадзенскі маёнтак". Прафесар Дзіпак Паціл з захапленнем ацаніў канцэпцыю Купалаўскага ўніверсітэта, як універсітэта-музея, пакінуў памятны запіс у кнізе гасцей універсітэта.