Прадстаўляючы новага прарэктара па вучэбнай рабоце, рэктар ГрДУ імя Янкі Купалы Ірына Кітурка адзначыла, што Лявонцій Паўлаў мае багаты кіроўчы вопыт і мае ўсе патрэбныя якасці, якія дапамогуць яму ў рабоце на новай пасадзе.

- Лявонцій Юр'евіч - гэта ўзор бездакорнай працы. Ён працуе ва ўніверсітэце з 2005 года і за гэты час на яго працу ніколі не было нараканняў. Пераканана, што на новай пасадзе Лявонцій Юр'евіч яшчэ больш рэалізуе свой патэнцыял, што будзе працаваць на карысць універсітэта, - адзначыла Ірына Фёдараўна.

У сваю чаргу новы прарэктар па вучэбнай рабоце падзякаваў за аказаны яму гонар і адзначыў, што зробіць усё магчымае, каб вучэбная і міжнародная дзейнасць адпавядала ўсім патрабаванням часу.

Свой шлях Лявонцій Паўлаў пачаў ва ўніверсітэце з пасады намесніка начальніка па матэрыяльна-тэхнічным забеспячэнні ваеннага факультэта ўстановы адукацыі і прайшоў шлях да пасады начальніка ваеннага факультэта.

16 снежня мінулага года Лявонція Юр'евіча ва ўрачыстай абстаноўцы праводзілі на заслужаны адпачынак, а затым ён быў прызначаны начальнікам адміністрацыйна-гаспадарчага ўпраўлення.