У Гуманітарным каледжы адбыўся канцэрт да Дня Канстытуцыі Рэспублікі Беларусь для студэнтаў і выкладчыкаў Гродзенскага дзяржаўнага ўніверсітэта імя Янкі Купалы. Ганаровым госцем стала ветэран Вялікай Айчыннай вайны Валянціна Пятроўна Баранава. Студэнты каледжа падрыхтавалі яркія нумары! А ў Тэхналагічным каледжы Дзень Канстытуцыі Рэспублікі Беларусь адзначылі выхаваўчай і інфармацыйнай гадзінай, кіналекторыям, конкурсам плакатаў і акцыяй «Беларуская стужка – сімвал міру і стварэння».

Адбылася яшчэ адна інтэлектуальная гульня - "Канстытуцыя маёй краіны". У ёй прынялі ўдзел каманды ўпраўлення па выхаваўчай рабоце з моладдзю, студэнцкага савета ўніверсітэта і пераможцы адборачных гульняў, якія адбыліся напярэдадні на базе студэнцкіх інтэрнатаў № 2 і № 6.

Гульня складалася з пяці тураў. Заданні ўключалі пытанні па першых чатырох раздзелах Асноўнага Закона. Ацэньвала адказы ўдзельнікаў кампетэнтнае журы ў складзе дэкана юрыдычнага факультэта Святланы Чабуранавай, в.а. загадчыка кафедры міжнароднага права Марыны Ігнацік, дацэнта кафедры міжнароднага права Аксаны Шупіцкай, старшага выкладчыка кафедры міжнароднага права Наталлі Габец і выкладчыка кафедры міжнароднага права Караліны Захаранкі.

Па выніках гульні дыпломам III ступені ўзнагароджана каманда супрацоўнікаў факультэта гісторыі, камунікацыі і турызму. Другое месца заняла каманда студэнцкага савета ўніверсітэта. Пераможцам гульні стала каманда ўпраўлення па выхаваўчай рабоце з моладдзю.

Да знакавага свята была прымеркавана прававая віктарына "Сіла закона". Купалаўцы пазмагаліся за званне «знаўцаў Феміды» у межах інтэлектуальна-прававога квізу. Прававая віктарына сабрала каля шасцідзесяці ўдзельнікаў, з мэтай паглыбіць веды і ўменні, якія датычацца правоў і абавязкаў грамадзян нашай краіны. Традыцыйна арганізатарамі мерапрыемства выступілі МААП і актыў ПЗ/РК ГА «БРСМ» нашага ўніверсітэта. Падчас неабыякага спаборніцтва студэнты змаглі праверыць свае веды ў розных галінах права і не толькі. Усе ўдзельнікі інтэлектуальна-прававой віктарыны былі адзначаны памятнымі сувенірамі і дыпломамі.

Па выніках напружанай барацьбы паміж камандамі месцы размеркаваліся наступным чынам: 1 месца заняла каманда "Юрысты ў законе" юрыдычнага факультэта; 2 месца заняла каманда "Мытня" юрыдычнага факультэта; 3 месца заняла каманда "Дзе Ваня?" юрыдычнага факультэта.