Настаў час абнаўленняў і ў Гродзенскім дзяржаўным універсітэце імя Янкі Купалы аб'яўлены конкурс на распрацоўку дызайну новага сайта універсітэта! І ніхто лепш з гэтай справай не справіцца, чым купалаўцы, якія самі ім карыстаюцца. Да ўдзелу запрашаюцца студэнты, магістранты, аспіранты, выкладчыкі і супрацоўнікі структурных падраздзяленняў.
Асноўная задача конкурсу - павышэнне прывабнасці афіцыйнага сайта ГрДУ імя Янкі Купалы для самых розных мэтавых груп. І разам з гэтым конкурс дасць поле для самарэалізацыі купалаўцаў, іх творчага патэнцыялу. Прыняць удзел можна як індывідуальна, так і ў складзе каманды.
Рэгістрацыя ўдзельнікаў і прадстаўленне дызайнерскіх рашэнняў пройдзе з 22 лютага па 30 красавіка. На працягу мая журы будзе разглядаць прэтэндэнтаў на званне пераможцы, а вынікі будуць падведзены 1 чэрвеня. Далучайцеся да ўдзелу, раптам менавіта ваш дызайн стане пераможцам, і вы назаўжды ўпішыце сваё імя ў гісторыю ўніверсітэта!
Дарэчы, колькасць варыянтаў ад аднаго ўдзельніка ці каманды не абмежавана. Заяўкі прымаюцца на электронны адрас pr_center@grsu.by.
Падрабязней з усімі ўмовамі можна азнаёміцца ў ПАЛАЖЭННІ.