За ходам спаборніцтваў сачыў старшыня грамадскага аб'яднання «Беларуская федэрацыя лёгкай атлетыкі» Вадзім Анатольевіч Дзевятоўскі.
За прызавыя месцы змагаліся 347 спартсменаў з 28 устаноў вышэйшай адукацыі краіны. Сярод удзельнікаў - студэнты Гродзенскага дзяржаўнага ўніверсітэта імя Янкі Купалы.
Па ўзроўні спартыўнай кваліфікацыі ў спаборніцтвах прынялі ўдзел 4 майстры спорту міжнароднага класа, 61 майстар спорту, 81 кандыдат у майстры спорту, з іх - 45 членаў нацыянальнай зборнай каманды па лёгкай атлетыцы, 124 ўдзельнікі маюць першы спартыўны разрад, 77 - другі.
На спаборніцтвах купалавец усталяваў рэкорд Рэспубліканскай універсіяды ў скачках з шастом сярод мужчын. Студэнт інжынерна-будаўнічага факультэта ГрДУ імя Янкі Купалы Уладзіслаў Чамармазовіч перасягнуў вышыню ў 530 см, пабіўшы рэкорд у 510 см, усталяваны ў 2008 годзе.
Першае месца ў бегу на 800 м і 1500 м сярод жанчын заняла выпускніца факультэта фізічнай культуры Вікторыя Кушнір.
У бегу на 800 м сярод мужчын перамогу атрымаў студэнт факультэта фізічнай культуры Ян Слома. Таксама спартсмен заваяваў бронзавы медаль у бегу на 400 м.
Другое месца ў скачках у вышыню заняў студэнт факультэта фізічнай культуры Андрэй Скабейка, у скачках з шастом - студэнтка факультэта матэматыкі і інфарматыкі Кацярына Лабанава.
Трэцяе месца ў спартыўнай хадзе заняла студэнтка факультэта фізічнай культуры Анастасія Рароўская (спартыўная хадзьба).
Трэнерам-прадстаўніком каманды нашай ВНУ ўступіў старшы выкладчык кафедры спартыўных дысцыплін Валерый Канстанцінавіч Сухецкі.