Факультэт эканомікі і кіравання даўно і плённа працуе па ўмацаванні акадэмічных сувязяў Рэспублікі Беларусь і Кітайскай Народнай Рэспублікі. Таму многія кітайскія традыцыі пусцілі карані на факультэце. Першае месца сярод іх належыць Святу вясны «Чуньцзэ» ці Кітайскаму Новаму году.21 студзеня напярэдадні гэтага цудоўнага свята на факультэце эканомікі адбылася ўрачыстая сустрэча прадстаўнікоў факультэта з магістрантамі з Кітайскай Народнай Рэспублікі, якія завяршаюць навучанне па спецыяльнасці "Эканоміка".
Дэкан факультэта эканомікі і кіравання Марына Карпіцкая пажадала магістрантам з Кітая дабра і дабрабыту ў новым годзе. Да віншаванняў далучыўся дырэктар Камітэта Дабрачыннага фонду падтрымкі навучання і развіцця таленавітых студэнтаў КНР, спадар Цянь Дзі, які выказаў падзяку за вялікі ўклад факультэта эканомікі і кіравання Купалаўскага ўніверсітэта ў падрыхтоўку магістраў і надзею на далейшае плённае супрацоўніцтва.
Абмен памятнымі сувенірамі, адсутнасць моўных бар'ераў, цёплае і сяброўскае становішча, лепшая ў свеце кітайская гарбата з салодкімі беларускімі пачастункамі, мора пазітыўных эмоцый і радаснае прадчуванне свята аб'ядналі за круглым сталом дружны калектыў факультэта.
З Новым годам, дарагія сябры!!!
新春快乐 !!!
