Гонару ўдзельнічаць у гэтым мерапрыемстве ўдастоіліся студэнтка 4 курса юрыдычнага факультэта Кацярына Герасімава, студэнтка 2 курса факультэта мастацтваў і дызайну Ульяна Амельчанка, студэнтка 2 курса педагагічнага факультэта Вераніка Лязоўская, студэнтка 3 курса філалагічнага факультэта Лізавета Фёдарава, студэнт 3 курса студэнт 3 курса факультэта інавацыйных тэхналогій машынабудавання Мікіта Нічыпар і студэнт 3 курса факультэта матэматыкі і інфарматыкі Арцём Часноўскі.У гэтым годзе ўдзельнікамі традыцыйнага навагодняга балю ў Палацы Незалежнасці сталі 320 юнакоў і дзяўчат з розных рэгіёнаў Беларусі. Гэта адораныя і таленавітыя навучэнцы ВНУ, ССНУ, вучылішчаў, выхаванцы кадэцкіх вучылішчаў і Мінскага сувораўскага ваеннага вучылішча, якія праявілі сябе ў вучобе, навуковых і творчых конкурсах, маладзёжных праектах, грамадскім і спартыўным жыцці.
Адкрываў класічную праграму балю паланэз дэбютантаў. Пад бадзёрыя рытмы пары танцуючых ішлі, змяняючы адзін аднаго, у цудоўных інтэр'ерах Палаца Незалежнасці. Прытрымліваючыся бальных традыцый, працягнуў праграму адзін з самых папулярных танцаў, які называюць яшчэ каралём танцаў і танцам каралёў, - вальс.
Затым госці і ўдзельнікі свята адправіліся ў падарожжа па бальных традыцыях розных эпох: старажытны танец бранль быў выкананы заслужаным калектывам з Гродна "Белыя росы", ансамблем "Харошкі" паказана тэатралізаваная мініяцюра гістарычнай рэканструкцыі балю XVI стагоддзя. Беларускія калектывы і артысты ўзнаўлялі атмасферу баляў эпохі Адраджэння, барока, Асветы. На танцавальнай пляцоўцы змянялі адзін аднаго менуэт, кадрыль, бас-данс, полька, галоп і катыльён у выкананні ўдзельнікаў балю.
Па бальных канонах, выпрацаваных за стагоддзі, класічную частку завяршыла аб'яднаўчая "Поўначная кадрыль", якую выканалі ўсе ўдзельнікі ўрачыстасці.
Пасля ўсіх чакала адвольная частка балю з сучаснымі рок-н-ролам, джазам і іншымі танцамі, паведамляе БелТА.
