У сценах Навукова-тэхналагічнага парка ГрДУ імя Янкі Купалы свае ідэі прэзентавалі школьнікі і студэнты, а таксама бізнесмены-пачаткоўцы. У лік тых, хто ацэньваў бізнес-ідэі, былі прарэктар па навуковай рабоце ГрДУ імя Янкі Купалы Андрэй Праневіч, намеснік кіраўніка дырэкцыяй ААТ "Белінвестбанк" па Гродзенскай вобласці Дзмітрый Дзянішчык, дырэктар Навукова-тэхналагічнага парка ГрДУ імя Янкі Купалы Аляксандр Васілевіч, кіраўнік Цэнтра падтрымкі прадпрымальніцтва, дырэктар ПУП "АйЦіНімакс" Ігар Чывель, дэкан факультэта эканомікі і кіравання ГрДУ імя Янкі Купалы Марына Карпіцкая і іншыя ганаровыя госці.

Сваімі ўражаннямі ад удзелу ў інавацыйным форуме падзяліўся студэнт 3 курса фізіка-тэхнічнага факультэта ГрДУ імя Янкі Купалы Мацвей Бачко. Малады чалавек ужо мае досвед у прэзентацыі праектаў, бо раней прымаў удзел ва ўніверсітэцкім «ІнНаСтарце» і конкурсе «100 ідэй для Беларусі».

- Ідэя майго праекта ўзнікла выпадкова, падчас адной з прагулак па горадзе. Нярэдка заўважаў, што са слабым зрокам людзям часам цяжка арыентавацца ў прасторы. І мне прыйшла ідэя распрацаваць прыладу, якая валодае функцыямі навігацыі, распазнае святлафоры і пешаходныя пераходы. Да таго ж у будучыні планую зрабіць так, каб яно распазнавала скрыжаванні, накіроўвала слабавідушчага чалавека, які ідзе па пешаходных дарожках. Для зручнасці выкарыстання прылада мацуецца на грудзях, апарат абсталяваны галасавым кіраваннем і толькі адной кнопкай - уключэння, - распавёў Мацвей.

Конкурс праводзіўся ў два этапы. На першым этапе завочнага тура экспертны савет правёў ацэнку актуальнасці заяўленага праекта і яго практычнай значнасці, стратэгіі развіцця, звярнуў увагу на аб'ём і крыніцы ўкладання інвестыцый, стадыю прапрацоўкі праекта і мерапрыемстваў па дасягненню мэт, звязаных з рэалізацыяй праекта, аналіз рынкаў збыту, стратэгію маркетынгу.

На другім этапе, які праводзіўся ў фармаце адкрытых прэзентацый, экспертная рада ацэньвала праекты па такіх крытэрыях, як пазітыўнасць і крэатыўнасць конкурснай працы, аргументаванасць і глыбіня раскрыцця зместу тэмы, сучасныя, інавацыйныя падыходы ў рашэнні заяўленай праблемы, арыгінальнасць аўтарскіх канцэпцый, наяўнасць дэманстрацыйнага матэрыялу.

Кожны праект заслугоўваў увагі, быў па-свойму ўнікальны. Пальму першынства юбілейнага Інвест Уікэнда эксперты аддалі праекту "SoftCare", ідэя якога заключалася ў стварэнні медыцынскіх прасцінаў з 3D эфектам.

Другое месца падзялілі адразу тры праекты, якія мелі на ўвазе пад сабой стварэнне інавацыйных панэляў для цяпліц, а таксама распрацоўку, якая дазваляе павысіць узровень пазнавальнасці той ці іншай арганізацыі. Сярод уладальнікаў другога месца праект "WallPrinter", які падрыхтавалі студэнты 2 курса факультэта эканомікі і кіравання Канстанцін Кавалевіч, Юлія Папуцэвіч, Вераніка Цімашкова пад кіраўніцтвам старшага выкладчыка кафедры эканомікі і кіравання на прадпрыемстве Святланы Гаранец. Замкнуў тройку лідэраў сацыяльны праект "Дапамагай бай", які падрыхтавалі студэнты 4 курса факультэта эканомікі і кіравання Дар'я Масальская, Анастасія Палубіс і Юлія Свістунова пад кіраўніцтвам выкладчыка кафедры эканомікі і кіравання на прадпрыемстве Лізаветы Міхалап.

Як паказвае вопыт, удзел у ІнвестУікендах - гэта ўнікальны шанц для юных прадпрымальнікаў апрабаваць сваю бізнес-ідэю, зрабіць першы крок у свет рэальнага сектара эканомікі, знайсці аднадумцаў і заказчыкаў. Прадстаўленыя бізнес-ідэі маюць рэальную магчымасць увасобіцца ў перспектыўныя інавацыйныя праекты.