На факультэце эканомікі і кіравання традыцыйнымі сталі сустрэчы з прадстаўнікамі рэальнага сектара эканомікі, дзяржаўных арганізацый па пытаннях падрыхтоўкі эканамічных кадраў для эканомікі рэгіёна, фінансавай граматнасці, укаранення элементаў лічбавай эканомікі ў адукацыйны працэс.
У рамках круглага стала "Задачы і функцыі Галоўнага ўпраўлення Міністэрства фінансаў Рэспублікі Беларусь па Гродзенскай вобласці ў працэсе падрыхтоўкі кадраў эканамічнага профілю" выступіў Валерый Міранцоў, начальнік аддзела кадравай і арганізацыйнай работы Галоўнага ўпраўлення Міністэрства фінансаў Рэспублікі Беларусь па Гродзенскай вобласці, які адзначыў неабходнасць павышэння канкурэнтаздольнасці выпускнікоў за кошт аптымальнага спалучэння фундаментальнай і практыка-арыентаванай адукацыі.
Намеснік начальніка аддзела арганізацыі і выканання бюджэту Галоўнага ўпраўлення Міністэрства фінансаў Рэспублікі Беларусь па Гродзенскай вобласці Андрэй Кукса, дарэчы, наш выпускнік 1 і 2 ступені, расказаў студэнтам спецыяльнасці "Фінансы і крэдыт" аб ролі казначэйства, фарміраванні грашовых патокаў у бюджэтнай сферы і прапанаваў тэматыку курсавых і дыпломных даследаванняў, магчымасці па праходжанні практыкі і працаўладкаванні ў Галоўнае ўпраўленне Міністэрства фінансаў Рэспублікі Беларусь па Гродзенскай вобласці.
Як адзначыла дэкан факультэта эканомікі і кіравання Марына Карпіцкая, факультэт мае шырокую сетку партнёрскіх сувязяў з удзелам арганізацый-заказчыкаў кадраў. Адукацыя па спецыяльнасцях, атрыманых на факультэце эканомікі і кіравання, дае выпускнікам бясспрэчныя канкурэнтныя перавагі ў працэсе працаўладкавання і кар'ернага росту.
У рамках сустрэчы прадстаўнікі страхавой арганізацыі РДУСП "Стравіта" па Гродне і Гродзенскай вобласці пазнаёмілі студэнтаў з сучасным развіццём страхавой дзейнасці, з асаблівасцямі добраахвотнага медыцынскага страхавання і страхавання дадатковай пенсіі. Правялі займальныя віктарыны, паводле вынікаў якіх студэнты атрымалі прызы ад страхавой арганізацыі. Абмеркавалі пытанні праходжання практыкі і будучага працаўладкавання ў страхавыя арганізацыі.
Усе ўдзельнікі сустрэчы адзначылі высокую адукацыйную і навукова-даследчую дзейнасць факультэта эканомікі і кіравання, дастойны ўзровень падрыхтоўкі прафесійна-кампетэнтных спецыялістаў у адпаведнасці з патрабаваннямі арганізацый-заказчыкаў кадраў.
