З прывітальным словам да ўдзельнікаў звярнуўся начальнік спартыўнага клуба Купалаўскага ўніверсітэта Кірыл Акуліч, які пажадаў удзельнікам паспяховага выступлення і выдатных вынікаў.

Удзельнікамі спаборніцтваў былі каманды філалагічнага факультэта, факультэта эканомікі і кіравання, фізіка-тэхнічнага факультэта, факультэта інавацыйных тэхналогій машынабудавання, інжынерна-будаўнічага факультэта і вайсковага факультэта. Усяго - больш за 50 спартсменаў-купалаўцаў.

У кожным этапе спаборніцтваў назіралася ўпартая барацьба! Аж да фінальных схватак нельга было адназначна назваць пераможцу. Па выніках каманднага заліку ўпэўненае першае месца заняў факультэт інавацыйных тэхналогій машынабудавання. Другое месца заняла каманда філалагічнага факультэта. Бронзавым прызёрам аказалася каманда факультэта эканомікі і кіравання.