Віншуем інструментальны ансамбль студэнтаў 3 курса спецыяльнасці "Народная творчасць (інструментальная музыка)" з атрыманнем дыплома лаўрэата I ступені на I Міжнародным саміце руска-кітайскіх выканаўцаў "RUSCHI", які прайшоў у Санкт-Пецярбургу.

Дарыюш Гайдуцкі, Ірына Канапешка, Алена Сударгіна, Аляксандр Рыбак, Анастасія Пранкевіч і Лю Вэй узнагароджаны дыпломам лаўрэата I ступені на I Міжнародным саміце руска-кітайскіх выканаўцаў "RUSCHI" ў намінацыі "Інструментальнае выканальніцтва, народныя інструменты".

Кіраўнік ансамбля - старшы выкладчык кафедры музычнага мастацтва Таццяна Янчурэвіч. Яна была ўзнагароджана падзячным лістом за невычэрпны педагагічны талент, найвышэйшы прафесіяналізм, мэтанакіраванасць, шматгадовую карпатлівую працу.