Сустрэчы пройдуць 30 і 31 жніўня ў актавай зале навучальнага корпуса па вуліцы Леніна, 32. На сустрэчы запрошаны не толькі студэнты, але і навучэнцы каледжаў. У рамках падзеі Ірына Фёдараўна прачытае першакурснікам іх першую лекцыю "Універсітэт тваіх магчымасцяў". Студэнты даведаюцца пра гісторыю ўніверсітэта, дасягненні студэнтаў і выпускнікоў, а таксама пра магчымасці, якія створаны ў ГрДУ імя Янкі Купалы для самарэалізацыі ў навуцы, адукацыі, творчасці і спорце. Першакурснікі даведаюцца пра тое, якія пазіцыі займае ўніверсітэт у міжнароднай прасторы, пазнаёмяцца з традыцыямі і карпаратыўнай культурай.

30 жніўня на сустрэчу запрошаны першакурснікі ваеннага факультэта, факультэта мастацтваў і дызайну, факультэта матэматыкі і інфарматыкі, факультэта інавацыйных тэхналогій машынабудавання, фізіка-тэхнічнага факультэта, факультэта біялогіі і экалогіі, факультэта гісторыі, камунікацыі і турызму.

На наступны дзень, 31 жніўня, пройдзе сустрэча з першакурснікамі факультэта фізічнай культуры, інжынерна-будаўнічага факультэта, педагагічнага факультэта, юрыдычнага факультэта, філалагічнага факультэта, факультэта эканомікі і кіравання, факультэта псіхалогіі, Тэхналагічнага, Гуманітарнага, Ваўкавыскага і Лідскага каледжаў.

У Дзень ведаў, 1 верасня, на Плошчы ўніверсітэцкага флага пройдзе традыцыйнае ўрачыстае мерапрыемства, прысвечанае пачатку новага навучальнага года. Далучыцца да свята можна будзе анлайн: у аўдыторыях на факультэтах і ў каледжах ГрДУ імя Янкі Купалы будзе ажыццяўляцца відэатрансляцыя мерапрыемства.