Гасцямі сустрэчы сталі прарэктар па выхаваўчай працы Васілій Васільевіч Сянько, старшыня прафкама работнікаў універсітэта Ігар Леанідавіч Кергет, старшыня Савета раённай арганізацыі ветэранаў Ленінскага раёна г. Гродна Барыс Анатольевіч Мулаў і старшыня Гродзенскай гарадской арганізацыі ветэранаў Барыс Міхайлавіч Скобелеў.

Са справаздачай выступіў старшыня Савета ветэранаў ГрДУ імя Янкі Купалы Міхаіл Вікенцьевіч Васілючак і адзначыў, што галоўнай задачай ветэранскай арганізацыі ўніверсітэта з'яўляецца сацыяльная абарона ветэранаў, паляпшэнне іх матэрыяльнага дабрабыту і жыццёвых умоў, далучэнне да сацыяльнай і працоўнай дзейнасці. У дакладзе Міхаіл Вікенцьевіч распавёў аб мерапрыемствах, у якіх на працягу пяці гадоў актыўна ўдзельнічалі ветэраны, падзякаваў рэктару Андрэю Дзмітрыевічу Каралю за захаванне традыцыі рэгулярных сустрэч з ветэранамі ўніверсітэта. У канцы выступу пажадаў усім здароўя, дабра і доўгіх гадоў жыцця.

Прарэктар па выхаваўчай працы Васілій Васільевіч Сянько ад імя рэктара ўніверсітэта падзякаваў ветэранаў за ўклад у развіццё купалаўскай ВНУ і выказаў надзею на іх актыўны ўдзел у грамадскім жыцці і выхаванні моладзі. Затым Васілій Васільевіч уручыў ганаровыя граматы ГрДУ імя Янкі Купалы старшаму выкладчыку кафедры фізічнага выхавання і спорту Аляксандру Аляксандравічу Кудзелю і дацэнту кафедры агульнай і сацыяльнай псіхалогіі Крысціне Уладзіміраўне Вербавай за шматгадовую працу ў ветэранскай арганізацыі.

Старшыня Савета раённай арганізацыі ветэранаў Ленінскага раёна г. Гродна Барыс Анатольевіч Мулаў і старшыня Гродзенскай гарадской арганізацыі ветэранаў Барыс Міхайлавіч Скобелеў уручылі Міхаілу Вікенцьевіч Васілючаку грамату Гродзенскай гарадской арганізацыі ветэранаў за асабісты ўклад у развіццё ветэранскага руху, героіка-патрыятычнае выхаванне моладзі і шматгадовую добрасумленную працу ў якасці кіраўніка ветэранскай арганізацыі і ганаровую грамату Гродзенскага гарадскога Савета дэпутатаў за шматгадовую актыўную грамадскую дзейнасць сярод ветэранаў, патрыятычнае выхаванне моладзі і вялікі асабісты ўклад у прапаганду і развіццё ветэранскага руху.

Старшынёй Савета ветэранаў універсітэта на новы тэрмін зноў быў абраны Міхаіл Вікенцьевіч Васілючак. У склад новага Савета ветэранаў былі ўключаны 11 чалавек. Дэлегатамі на раённую канферэнцыю ад Савета ветэранаў Гродзенскага дзяржаўнага ўніверсітэта імя Янкі Купалы былі выбраны: Аляксандр Аляксандравіч Кудзель, Уладзімір Андрэевіч Хілюта і Міхаіл Вікенцьевіч Васілючак.

У межах сустрэчы ўдзельнікі вызначылі напрамкі працы арганізацыі на бліжэйшыя пяць гадоў.