Удзел у сустрэчы прынялі першы прарэктар ГрДУ імя Янкі Купалы Юрый Раманоўскі, дырэктар РУП УНПЦ "Тэхналаб" Аляксандр Васілевіч, начальнік Цэнтра трансферу тэхналогій Алена Апякун, кіраўнік Студыі праектаў і стартапаў Алена Разава, а таксама прадстаўнік ААТ "Белаграпрамбанк" - першы намеснік начальніка Рэгіянальнай дырэкцыі па Гродзенскай вобласці Андрэй Гайдукевіч.

Напярэдадні падпісання, у канцы сакавіка, прадстаўнікі ААТ "Белаграпрамбанк" сустрэліся з кіраўніцтвам Купалаўскага ўніверсітэта і абмеркавалі перспектывы супрацоўніцтва. Тады госці наведалі РУП УНПЦ "Тэхналаб" у статусе навукова-тэхналагічнага парку, азнаёміліся з інавацыйным, навукова-тэхнічным і вытворчым патэнцыялам універсітэта і Тэхнапарка, абмеркавалі магчымыя напрамкі і формы супрацоўніцтва ў галіне развіцця і падтрымкі стартап-руху і малога інавацыйнага прадпрымальніцтва Купалаўскага ўніверсітэта і ААТ "Белаграпрамбанк".

Важнай падзеяй развіцця двухбаковых адносін стала падпісанне дамовы.

Як адзначыў у ходзе сустрэчы першы прарэктар ГрДУ імя Янкі Купалы Юрый Раманоўскі, пачата ўжо сумесная работа з ААТ "Белаграпрамбанк" у напрамку інавацыйнага прадпрымальніцтва, развіцця прадпрымальніцкіх кампетэнцый, фарміравання новых магчымасцей для нашых студэнтаў, жыхароў г. Гродна і Гродзенскай вобласці. У рамках дагавора ўніверсітэт будзе адказваць за інтэлектуальны складнік, звязаны з навучаннем, атрыманнем новых ведаў і кампетэнцый, а таксама прадаставіць інавацыйную інфраструктуру:

- Сёння падпісваюцца два дагаворы: адзін - аб узаемадзеянні ўніверсітэта з ААТ "Белаграпрамбанк", другі пагадненне - паміж РУП УНПЦ "Тэхналаб" у статусе навукова-тэхналагічнага парку, заснавальнікам якога з'яўляецца наш універсітэт, і ААТ "Белаграпрамбанк". Тэхнапарк стане пляцоўкай для рэалізацыі ідэй прадпрымальнікаў, якія будуць нараджацца ў працэсе нашага ўзаемадзеяння, а ААТ "Белаграпрамбанк" становіцца правадніком для рэалізацыі новых бізнес-ідэй.

Па выніках сустрэчы адбылося падпісанне дагавора аб супрацоўніцтве паміж Гродзенскім дзяржаўным універсітэтам імя Янкі Купалы і ААТ "Белаграпрамбанк".

- Падпісанне пагаднення выводзіць на новы ўзровень наша ўзаемадзеянне з універсітэтам. Мы рады такому супрацоўніцтву і адкрыты для ініцыятыў і новых магчымасцей і гатовы іх падтрымаць, - сказаў першы намеснік начальніка Рэгіянальнай дырэкцыі па Гродзенскай вобласці Андрэй Гайдукевіч.

Удзельнікі дагавора выказалі меркаванне аб тым, што падпісанне дакумента - гэта падзея, якая, безумоўна, адпавядае інтарэсам развіцця краіны ў сферы эканомікі і адукацыі.