Дзякуючы намаганням студэнтаў і работнікаў ВНУ у ходзе правядзення навагодняй дабрачыннай акцыі «Нашы дзеці» у карпусах універсітэта былі сабраныя грашовыя сродкі для фарміравання навагодніх падарункаў дзецям. Варта адзначыць, што ў акцыі актыўны ўдзел прынялі студэнты і выкладчыкі факультэта эканомікі і кіравання, юрыдычнага факультэта, педагагічнага факультэта, факультэта гісторыі, камунікацыі і турызму, фізіка-тэхнічнага факультэта, факультэта псіхалогіі, факультэта інавацыйных тэхналогій машынабудавання, факультэта даўніверсітэцкай падрыхтоўкі, а таксама старшыня і члены Савета валанцёраў універсітэта. Дапамогу ў правядзенні мерапрыемства аказалі супрацоўнікі аддзела культурна-масавай і дасугавай дзейнасці, сацыяльна-педагагічнай і псіхалагічнай службы і адміністрацыйна-гаспадарчага кіравання.
Прарэктар па выхаваўчай працы Васілій Васільевіч Сянько і начальнік упраўлення выхаваўчай работы з моладдзю Аксана Віктараўна Котава ад імя рэктара Гродзенскага дзяржаўнага ўніверсітэта імя Янкі Купалы Андрэя Дзмітрыевіча Караля павіншавалі дзяцей з надыходзячымі навагоднімі святамі і ўручылі ў падарунак спартыўны інвентар.
Студэнты нашай ВНУ арганізавалі для дзяцей святочную праграму з гульнямі і конкурсамі. Дзед Мароз і Снягурка слухалі вершы, якія расказвалі дзеці, уручалі ім салодкія падарункі і разам з вадзілі карагоды вакол навагодняй елкі.